ప్రజాశక్తి-మదనపల్లె రూరల్‌ : అన్నమయ్య జిల్లా మదనపల్లె మార్కెట్‌లో టమాటా ధరలు బెంబేలెత్తిస్తున్నాయి. రికార్డు స్థాయిలో బుధవారం కిలో నాణ్యమైన టమాటా రూ.168 పలికింది. ఏ గ్రేడ్‌ కిలో రూ.140 నుంచి రూ.168, బి గ్రేడ్‌ రూ.118 నుంచి రూ.138 పలికింది. సగటున కిలో రూ.132 నుంచి రూ.156 వరకు ధర పలికిందని మార్కెట్‌ యార్డు కార్యదర్శి అభిలాష్‌ తెలిపారు. మార్కెటుకు కేవలం 361 టన్నులు మాత్రమే వచ్చింది. మంగళవారం రూ.140 పలికిన ధర.. ప్రస్తుతం రూ.160కి పైగా పలకడంతో వినియోగదారుల్లో గుబులు మొదలైంది.
