ధరలేక.. పశువులకు మేత

•  రహదారి పక్కన పారబోసిన టమాటాలు

ప్రజాశక్తి-వేటపాలెం (బాపట్ల జిల్లా) : మొన్నటి వరకూ కిలో రూ.220 పలికిన టమాటా ధర..నేడు ధర లేక రోడ్డు పాలవుతోంది. బాపట్ల జిల్లా వేటపాలెం మండలం పరిధిలోని పందిళ్ళపల్లి 216 జాతీయ రహదారి వెంట గుర్తు తెలియని రైతులు టమాటాను పారబోశారు. అటుగా వెళ్తున్న కొందరు వాటిని చూసి మంచివాటిని ఏరుకుని ఇళ్లకు తీసుకెళ్లారు. మిగిలిపోయిన వాటిని పశువులు తిన్నాయి. కర్నూలు జిల్లా పత్తికొండలో కిలో రూ.2.50, అన్నమయ్య జిల్లా మదనపల్లెలో కిలో రూ.9.80 పలుకుతుండడంతో గిట్టుబాటు లభించడం లేదని రైతులు ఆవేదన వ్యక్తం చేస్తున్నారు.