విజయవాడ : నేడు ఆంధ్రరాష్ట్ర అవతరణ దినోత్సవాన్ని పురస్కరించుకొని ... ఆంధ్రప్రదేశ్‌ ప్రభుత్వం వరుసగా మూడో ఏడాది 'వైఎస్సార్‌' అవార్డులను అందజేసింది. బుధవారం ఉదయం విజయవాడలోని ఏ కన్వెన్షన్‌ సెంటర్‌లో నిర్వహించిన ఈ అవార్డుల ప్రదానోత్సవానికి గవర్నర్‌ అబ్దుల్‌ నజీర్‌ ముఖ్య అతిథిగా, ముఖ్యమంత్రి వైఎస్‌ జగన్‌మోహన్‌రెడ్డి ప్రత్యేక అతిథిగా విచ్చేశారు. ఆయా రంగాల్లో ఎంపికైన 27మందికి ఆంధ్రప్రదేశ్‌ గవర్నర్‌ అబ్దుల్‌ నజీర్‌, సిఎం వైఎస్‌ జగన్‌ మోహన్‌ రెడ్డి అవార్డులను ప్రదానం చేశారు.
ఈ సందర్భంగా గవర్నర్‌ అబ్దుల్‌ నజీర్‌ మాట్లాడుతూ ... దేశంలోనే మొదటిసారిగా రైతు భరోసా కేంద్రాల ఏర్పాటు అభినందనీయమన్నారు. నవరత్నాల ద్వారా బడుగు బలహీన వర్గాలకు సాయం అందుతోందన్నారు. అయిదు డిప్యూటీ సీఎం పదవులు ఎస్సీ, ఎస్టీ, బీసీలకు ఇచ్చారని, ఎస్సీ, ఎస్టీ, బీసీ, మైనార్టీలకు పదువులు ఇచ్చి న్యాయం చేశారని తెలిపారు. ప్రస్తుత ప్రభుత్వం సామాజిక న్యాయానికి పెద్దపీట వేస్తోందని కొనియాడారు. నామినేటెడ్‌ పదవులు, పోస్టుల్లో 50 శాతం రిజర్వేషన్లు కల్పించారని అన్నారు. స్వచ్ఛ సర్వేక్షన్‌లో ఏపీ 7వ స్థానంలో నిలిచిందని చెప్పారు. వికేంద్రీకరణతో ప్రజలకు పరిపాలనను మరింత చేరువ చేసిందని, అన్ని ప్రధాన రంగాల్లో రాష్ట్రం అభివఅద్ధిలో మందుకు సాగుతోందని గవర్నర్‌ అన్నారు.
సిఎం జగన్‌ మాట్లాడుతూ ... రాష్ట్ర అవతరణ దినోత్సవ శుభాకాంక్షలు తెలిపారు. మూడేళ్లుగా అవార్డులు అందించే సాంప్రదాయం కొనసాగుతోందని అన్నారు. ఈ ఏడాది 27 మందికి వైఎస్సార్‌ అవార్డులు అందజేస్తున్నామని తెలిపారు. వైఎస్సార్‌ హయాంలో వ్యవసాయం, విద్యా, వైద్య రంగాల్లో విశేష అభివఅద్ధి జరిగిందని చెప్పారు. 7 రంగాల్లో విశిష్ట సేవలందించిన 27 మందికి, సంస్థలకు పురస్కారాలు ఇస్తున్నామన్నారు. 23 వైఎస్సార్‌ లైఫ్‌టైమ్‌ అచీవ్‌మెంట్‌ అవార్డులు, 4 వైఎస్సార్‌ అచీవ్‌మెంట్‌ అవార్డులు ప్రదానం చేశామన్నారు.
2023లో వైఎస్సార్‌ లైఫ్‌టైం ఎచీవ్‌మెంట్‌ అవార్డులకు ఎంపికయిన వారి జాబితా :
వ్యవసాయం:
1)పంగి వినీత (ఎచీవ్‌మెంట్‌ అవార్డు)
2వై.వి.మల్లారెడ్డి - అనంతపురం
ఆర్ట్‌ అండ్‌ కల్చర్‌ :
1) యడ్ల గోపాలరావు-రంగస్థల కళాకారుడు-శ్రీకాకుళం
2) తలిసెట్టి మోహన్‌ - కలంకారీ - తిరుపతి
3) కోట సచ్చిదానంద శాస్త్రి - హరికథ - బాపట్ల
4) కోన సన్యాసి - తప్పెటగుళ్ళు - శ్రీకాకుళం జిల్లా
5) ఉప్పాడ హ్యాండ్‌ లూమ్‌ వీవర్స్‌ కోఆపరేటివ్‌ సొసైటీ - కాకినాడ
6) ఎస్‌.వి.రామారావు - చిత్రకారుడు - కఅష్ణా
7)బాల సరస్వతి - నేపథ్య గాయని - నెల్లూరు
8)తల్లావఝుల శివాజీ - చిత్రకారుడు, రచయిత, పాత్రికేయుడు - ప్రకాశం
9)చింగిచెర్ల కఅష్ణారెడ్డి - జానపద కళలు - అనంతపురం
10)కలీసాహెబీ మహబూబ్‌ - షేక్‌ మహబూబ్‌ సుబానీ దంపతులకు - నాదస్వరం - ప్రకాశం
తెలుగు భాష - సాహిత్యం :
1) ప్రొఫెసర్‌ బేతవోలు రామబ్రహ్మం - పశ్చిమ గోదావరి
2) ఖదీర్‌ బాబు - నెల్లూరు - (ఎచీవ్‌మెంట్‌ అవార్డు)
3) మహెజబీన్‌ - నెల్లూరు (ఎచీవ్‌మెంట్‌ అవార్డు)
4) నామిని సుబ్రహ్మణ్యం నాయుడు - చిత్తూరు
5) అట్టాడ అప్పలనాయుడు - శ్రీకాకుళం
క్రీడలు :
1) పుల్లెల గోపీచంద్‌ - గుంటూరు
2) కరణం మల్లీశ్వరి - శ్రీకాకుళం
వైద్యం:
1) ఇండ్ల రామ సుబ్బారెడ్డి - మానసిక వైద్యం - ఎన్టీఆర్‌
2) ఈసీ వినరుకుమార్‌రెడ్డి - ఈఎన్‌టీ - కాక్లియర్‌ ఇంప్లాంట్స్‌ - వైయస్సార్‌
మీడియా :
1) గోవిందరాజు చక్రధర్‌ - కృష్ణా
2) హెచ్చార్కే - కర్నూలు
సమాజ సేవ :
1)బెజవాడ విల్సన్‌ - ఎన్టీఆర్‌
2) శ్యాం మోహన్‌ - అంబేద్కర్‌ కోనసీమ - (ఎచీవ్‌మెంట్‌)
3) నిర్మల హఅదరు భవన్‌ - ఎన్టీఆర్‌
4)జి. సమరం - ఎన్టీఆర్‌
