నేటికాలంలో మధుమేహస్తుల సంఖ్య పెరుగుతోంది. అనారోగ్యకరమైన జీవనశైలి వల్ల ఈ వ్యాధి వచ్చే అవకాశముందని వైద్యులు సూచిస్తున్నారు. ముఖ్యంగా మధుమేహం యొక్క లక్షణాలని గుర్తిస్తే కొంతమేరకు ప్రమాదం తగ్గించుకోవచ్చని వైద్యులు సూచిస్తున్నారు.
చర్మం
శరీరంలో అతిపెద్ద అవయవం చర్మం. చర్మ సమస్యల వల్ల కూడా మధుమేహాన్ని గుర్తించవచ్చు. మధుమేహ వ్యాధిగ్రస్తులు తరచుగా మూత్రవిసర్జన చేయడం వల్ల నిర్జలీకరణం కారణంగా చర్మం పొడిగా, దురదగా ఉంటుంది, ఇది మధుమేహం యొక్క లక్షణంగా గుర్తించవచ్చు. మధుమేహ వ్యాధిగ్రస్తులు ప్రధానంగా ఫంగల్‌ ఇన్ఫెక్షన్లకు గురయ్యే అవకాశం ఎక్కువగా ఉంటుంది.
కళ్ళు
మధుమేహం కళ్లపై తీవ్ర ప్రభావం చూపుతుంది. మధుమేహం రెటీనాలోని రక్తనాళాలను దెబ్బతీస్తుంది. దీంతో ఆ ప్రభావం కంటి దృష్టిని ప్రభావితం చేస్తుంది. అలాగే పాదం, కాళ్ళు నరాల్లో రక్తప్రసరణ సరిగ్గా జరగక జలదరింపు, తిమ్మిరి లేదా నొప్పికి దారితీస్తుంది. అలాగే, రక్తప్రసరణ తగ్గడం వల్ల ఫుట్‌ అల్సర్లు, ఇన్ఫెక్షన్‌ల ప్రమాదాన్ని పెంచుతుంది, ఇది సకాలంలో చికిత్స చేయకపోతే, శాశ్వత విచ్ఛేదనకు దారితీస్తుంది. ఈ సమస్యలను నివారించడానికి సరైన పాద సంరక్షణ, రెగ్యులర్‌ చెకప్‌లు చాలా అవసరమని వైద్యులు సూచిస్తున్నారు.
కిడ్నీలపై ప్రభావం
మధుమేహంతో ఉన్నవారు మూత్రపిండాల సమస్యలతో కూడా బాధపడతారు.
