ప్రజాశక్తి-పెద్దాపురం(కాకినాడ) : పెద్దాపురం మండలం చంద్రమాంపల్లి-దివిలి లో 2024 జనవరి 24 నుంచి 26వ తేదీ వరకు మూడు రోజులపాటు స్నేహ ఆర్ట్స్‌ ఆధ్వర్యంలో నాటిక పరిషత్తు నిర్వహించబడుతుందని పరిషత్‌ అధ్యక్షులు గొందేశి రాజా తెలిపారు. గురువారం చంద్రమాంపల్లిలో కేదారి నాగు అధ్యక్షతన జరిగిన సమావేశంలో ఆయన మాట్లాడుతూ ఆయన మాట్లాడుతూ గత నాలుగు సంవత్సరాలుగా తమ సంస్థ ఆధ్వర్యంలో ఈ నాటిక పోటీలు నిర్వహిస్తున్నామన్నారు. ప్రతి ఏడాది సహాయ సహకారాలు అందించినట్లే ఈ ఏడాది కూడా నాటిక పరిషత్తు నిర్వహణకు ప్రతి ఒక్కరు తమ సంపూర్ణ సహాయ సహకారాలు అందించాలని విజ్ఞప్తి చేశారు. ఈ సమావేశంలో ఇంధన బ్రహ్మానందం, మానేపల్లి రవీంద్ర, కేదారి నాగు, ఎం.సత్తిబాబు, దేవాడ పాపేశ్వరరావు, వెన్నా పండు, గుందేసి సత్యానందం, కె.ప్రసాద్‌, పి.సత్తిబాబు, డి.కృష్ణ, జే.దొరబాబు, మాగాపు నాగు, జిఎస్‌ఆర్‌ స్వామి తదితరులు పాల్గొన్నారు.
