ప్రజాశక్తి-విజయనగరం టౌన్‌ : విశాఖలోని బుల్లయ్య కాలేజి మైదానంలో శనివారం జరిగిన ఆంధ్రా యూనివర్సిటీ ఇంటర్‌ కాలేజి వెయిట్‌ లిఫ్టింగ్‌ పోటీలలో జిల్లా క్రీడాకారులు పతకాల మోత మోగించారు. ఎస్‌. పల్లవి 64 కేజీల కేటగిరిలో గోల్డ్‌ మోడల్‌ సాధించింది. సిహెచ్‌ శ్రీలక్ష్మి 81 కిలోల కేటగిరిలోను, ఆర్‌.రాంబాబు 81 కిలోల కేటగిరిలోను, ఎం.మణికంఠ 89 కిలోల కేటగిరిలోను గోల్డుమెడల్‌ సాధించారు. వీరంతా విజయనగరం సత్య డిగ్రీ కాలేజ్‌లో చదువుతున్నారు. అలాగే వై.చైతన్య కుమారి 87 కిలోల కేటగిరిలో గోల్డ్‌ మెడల్‌ సాధించింది. అయ్యన్నపేటలోని ఎస్‌కె డిగ్రీ కళాశాలలో ఈమె డిగ్రీ మొదటి సంవత్సరం చదువుతోంది. పతకాలు సాధించిన క్రీడాకారులను జిల్లా వెయిట్‌ లిఫ్టింగ్‌ అసోసియేషన్‌ అధ్యక్షులు బెల్లాన లక్ష్మి, కార్యదర్శి చల్లా రాము, సత్యకాలేజి డైరెక్టర్‌ డాక్టర్‌ ఎం.శశిభూషణరావు, కోచ్‌ శ్రీనివాసరావు తదితరులు అభినందించారు.
