పేదల కుటుంబాల్లో వెలుగులు

ప్రజాశక్తి-కొత్తవలస :  సంక్షేమ పాలన ద్వారా సిఎం జగన్‌మోహన్‌రెడ్డి పేదల కుటుంబాల్లో వెలుగులు నింపుతున్నారని ఎమ్మెల్సీ ఇందుకూరి రఘురాజు తెలిపారు. జగన్‌మోహన్‌రెడ్డి మళ్లీ సిఎం కావాలని కోరుతూ రఘురాజు తిరుపతికి చేపట్టిన పాదయాత్ర మూడో రోజు శుక్రవారం కొత్తవలస మండలంలో కొనసాగింది. అడ్డూరివానిపాలెం బ్రిక్‌ ఇండిస్టీ నుంచి దేశపాత్రునిపాలెం వద్దనున్న ప్రజా సంకల్పయాత్ర వరకు సాగింది. పాదయాత్రలో భారీగా తరలివచ్చి పాల్గొన్నారు. ఎక్కడికక్కడ రఘురాజుకు ఘనస్వాగతం పలికారు. ఈ పాదయాత్రలో నియోజకవర్గంలోని పలువురు ప్రజాప్రతినిధులు, నాయకులు పాల్గొన్నారు.