హైదరాబాద్‌ : రాష్ట్ర వ్యాప్తంగా ఎస్‌ఐ, పోలీసు కానిస్టేబుల్‌ ఉద్యోగ నియామకాల భర్తీ తుది దశకు చేరుకుంది. ఇటీవలే తుది రాతపరీక్షల ఫలితాలను టీఎస్‌ఎల్‌పీఆర్‌బీ విడుదల చేసింది. తుది రాతపరీక్ష ఫలితాల్లో అర్హత సాధించిన అభ్యర్థులకు ఈ నెల 14వ తేదీ నుంచి 26వ తేదీ వరకు రాష్ట్ర వ్యాప్తంగా 18 కేంద్రాల్లో సర్టిఫికెట్‌ వెరిఫికేషన్‌ నిర్వహించనున్నారు. తుది ఫలితాల్లో అర్హత సాధించిన అభ్యర్థులు టీఎస్‌ఎల్‌పీఆర్‌బీ వెబ్‌సైట్‌ నుంచి సర్టిఫికెట్‌ వెరిఫికేషన్‌కు సంబంధించిన లెటర్లను డౌన్‌లోడ్‌ చేసుకోవచ్చు. ఈ లెటర్లు 11వ తేదీ ఉదయం 8 గంటల నుంచి 13వ తేదీ సాయంత్రం 8 గంటల వరకు వెబ్‌సైట్‌లో అందుబాటులో ఉండనున్నాయి.
