ప్రజాశక్తి-నార్పల : మండల కేంద్రంలోని స్థానిక ప్రభుత్వ బాలుల పాఠశాలలో ఆదివారం 35 సంవత్సరాల తర్వాత 1988- 89లో 10వ తరగతి చదివిన పూర్వ విద్యార్థులు 35 సంవత్సరాల తర్వాత పాఠశాల ఆవరణంలో ఆదివారం కలుసుకోనున్నరు. ఈ సందర్భంగా వారు చదివేటప్పుడు ఉన్న పలువురు ఉపాధ్యాయులు చెక్ వీర చారి వెంకటస్వామి తిరుపాలు మల్లేష్ కృష్ణారెడ్డి లను సాదరంగా ఆహ్వానించి శాల్వాలతో సత్కరించారు ఇందులో భాగంగా పలువురు అలనాటి పాత జ్ఞాపకాలను నెమరు వేసుకుంటూ వారి స్నేహితులు ఎవరెవరు ఎలా ఉన్నారు అంటూ ఒకరికొకరు ఆత్మీయంగా పలకరించుకున్నారు. 35 సంవత్సరాలు క్రితం కలిసి చదువుకున్న అందరూ పాఠశాల ఆవరణంలో కలుసుకోనుండడం చాలా ఆనందంగా ఉందని మిత్రులు ఒకరి ఒకరిని కలుసుకొని అలనాటి జ్ఞాపకాలను గుర్తు చేసుకున్నారు. ఇంతకాలం తర్వాత తమ రూపాలు మారినప్పటికీ చిన్ననాటి జ్ఞాపకాలు మాత్రం చెక్కుచెదరలేదని ప్రతి ఒక్కరూ వారి హోదాలను మరిచి ఆత్మీయంగా కలిసిపోయారు. ఈ కార్యక్రమంలో ఖాదర్ వలీ ఖాన్, సెక్ష వలి, సిద్దయ్య, రాజారెడ్డి, కిష్టయ్య, భాస్కర్ రెడ్డి, అశోక్ కుమార్ రెడ్డి, మల్లికార్జున్ రెడ్డి, ఇక్బాల్, మస్తాన్ వలి ప్రసాదు హఫీజ్ సంజీవరెడ్డి, వెంకట రాముడు, దేవదానమ్మ, శాంతమ్మ, నాగమణి, కుసుమ తదితరులు పాల్గొన్నారు.
