ప్రజాశక్తి - నెల్లిమర్ల : గ్రంథాలయాలను విద్యార్థులు, యువత సద్వినియోగం చేసుకోవాలని వైసిపి పట్టణ నాయకులు గంటా అప్పల రాజు కోరారు. మంగళవారం జాతీయ గ్రంథాలయ వారోత్సవాల సందర్భంగా స్థానిక గ్రంథాలయంలో ఉత్సవాలను ఆయన ప్రారంభించారు. ఈ కార్యక్రమంలో స్థానిక కౌన్సిలర్‌ సంధ్యారాణి, సోషల్‌ వెల్ఫేర్‌ స్కూల్‌ లైబ్రరియన్‌ జోగులు పాల్గొన్నారు. రేగిడి: పిల్లలే దేశానికి ఆస్తి అని తహశీల్దార్‌ సుదర్శన్‌ రావు, ఎంపిడిఒ కార్యాలయ సూపరింటెండ్‌ నాగమణి అన్నారు. మంగళవారం రేగిడి శాఖా గ్రంథాలయంలో 56వ జాతీయ గ్రంథాలయ వారోత్సవాలను, బాలల దినోత్సవాలను ఘనంగా నిర్వహించారు. ఈ కార్యక్రమంలో శాఖా గ్రంథాలయాదికారి పెంట ఈశ్వరరావు విద్యార్థులు పాల్గొన్నారు. డెంకాడ: స్థానిక శాఖా గ్రంథాలయంలో 56వ జాతీయ గ్రంథాలయ వారోత్సవాలను స్థానిక సర్పంచ్‌ పి.గౌరి జ్యోతి ప్రజ్వలన చేసి సరస్వతీ దేవి నెహ్రూ చిత్ర పటాలకు పూల మాలతో అలంకరించి ప్రారంభ సభ నిర్వహించారు. స్థానిక ఉన్నత పాఠశాల ఇంఛార్జి ప్రధానోపాధ్యాయులు మీనా, గ్రంథాలయాధికారి గణేష్‌ తదితరులు పాల్గొన్నారు.బాడంగి: స్థానిక గ్రంథాలయంలో గ్రంథాలయాలధికారి ఆర్‌. దుర్గా ప్రసాద్‌, పిండ్రంగి వలస ప్రాథమిక పాఠశాల ప్రధానోపాధ్యాయులు వై. రవిబాబు ఆధ్వర్యంలో గ్రంథాలయ వారోత్సవాలను మంగళవారం నిర్వహించారు. ఈ కార్యక్రమంలో జెడ్‌పిటిసి పెద్దింటి రామారావు, బాడంగి సర్పంచ్‌ కండి రమేష్‌, ఎంఇఒ రాజేశ్వరీ ముందుగా సరస్వతి దేవి చిత్ర పటానికి పూలమాలలు వేశారు. ఈ కార్యక్రమంలో పిల్లలు పెద్దలు, గురువులు పాల్గొన్నారు.కొత్తవలస: స్థానిక ప్రభుత్వ జూనియర్‌ కళాశాలలో జాతీయ గ్రంథాలయ వారోత్సవాలను గ్రంథాలయాధికారి అల్లూరి పద్మావతి ఆధ్వర్యంలో కళాశాల ప్రిన్సిపాల్‌ భీమశంకర్‌ రావు అధ్యక్షతన ఘనంగా నిర్వహించారు. గ్రంథాలయ పితామహుడైన ఎస్‌ఆర్‌ రంగనాధన్‌, ప్రభుత్వ గ్రంథాలయ ఉద్యమకారుడైన అయ్యంకి వెంకటరమణ చిత్రపటాలకి పూలమాలవేసి నివాళులర్పించారు. ఈ కార్యక్రమంలో ఎన్‌ఎస్‌ఎస్‌ పిఒ శ్రీరాములు, అధ్యాపకలు తదితరులు పాల్గొన్నారు.
గుర్ల: గ్రంథాలయాలు విద్యకు నిలయాలని జిల్లా పసుగణాభివృద్ధి చైర్మన్‌ బెల్లాన బంగారు నాయుడు అన్నారు. శాఖ గ్రంథాల యాధికారి పి. రామారావు అధ్యక్షతన స్థానిక గ్రంథాలయంలో మంగళవారం జరిగిన గ్రంథాలయ వారోత్సవాలు లో ఆయన పాల్గొని మాట్లాడారు. ఈ కార్యక్రమంలో జెడ్‌పిటిసి సీర అప్పల నాయుడు, వైసిపి నాయకులు పొట్నూరు సన్యాసి నాయుడు, మాజీ విద్యాకమిటీ చైర్మన్‌ మంత్రి వెంకటరమణ, వైస్‌ ఎంపిపి తోట తిరుపతి రావు, ప్రసాద్‌, ఎంఇఒ- 2 శ్రీనివాసరావు, ఎస్‌ఐ హరి బాబు నాయుడు తదితరులు పాల్గొన్నారు.
పూసపాటిరేగ : మండలంలోని 56వ జాతీయ గ్రంథాలయ వారోత్సవాలు మంగళవారం ప్రారంభమయ్యాయి. ఈ సందర్బంగా గ్రంథాలయ నిర్వాహకులు పి. నాగేశ్వర్రావు మాట్లాడుతూ వారొత్సవాలను వారం రోజులు నిర్వహిస్తామన్నారు. ఈ కార్యక్రమలో గ్రామస్తులు పాల్గొన్నారు. విజయనగరం కోట: గ్రంథాలయాలతోనే విజ్ఞానం పెంపొందుతుందని డిప్యూటీ మేయర్‌ కోలగట్ల శ్రావణి అన్నారు. గురజాడ స్మారక జిల్లా కేంద్ర గ్రంథాలయంలో 56వ జాతీయ గ్రంథాలయ వారోత్సవాలు మంగళవారం ప్రారంభమయ్యాయి. ముఖ్యఅతిథిగా విచ్చేసిన కోలగట్ల శ్రావణి, జిల్లా గ్రంథాలయ సంస్థ చైర్‌పర్సన్‌ రెడ్డి పద్మావతి తొలుత నెహ్రూ చిత్రపటానికి పూలమాలలు వేసి నివాళులర్పించారు. ఈ సందర్భంగా శ్రావణి మాట్లాడుతూ ప్రస్తుత రోజుల్లో విద్యార్థులు స్మార్ట్‌ ఫోన్లకు, ఇంటర్నెట్‌కు అలవాటు పడి జీవితాలను నాశనం చేసుకుంటున్నారని, గ్రంథాలయాలను వినియోగించుకుంటే విజ్ఞానం పెరుగుతుందని అన్నారు. రెడ్డి పద్మావతి మాట్లాడుతూ చిన్నారులంటే నెహ్రూకు అమితమైన ప్రేమని, వారి బంగారు భవిష్యత్తుకు బాటలు వేశారని అన్నారు. జిల్లా గ్రంథాలయ సంస్థ ఇంఛార్జి కార్యదర్శి బోను లక్ష్మి అధ్యక్షతన జరిగిన ఈ కార్యక్రమంలో జిల్లా గ్రంథాలయ ఉద్యోగుల సంఘ అధ్యక్షులు బుద్ధరాజు రామభద్రరాజు, జిల్లా గ్రంథాలయ సహాయ అధికారి కె.శ్రీనివాసరావు, బి.పద్మావతి, గ్రంథాలయ సిబ్బంది పాల్గొన్నారు.
సీతం కళాశాలలో.. : గ్రంథాలయ సంఘం అధ్యక్షులు సముద్రాల గురు ప్రసాద్‌ వారోత్సవాలను ప్రారంభించారు. వ్యక్తిత్వాన్ని, విద్యా ప్రమాణాలను పెంపొందించేందుకు గ్రంథాలయాన్ని వినియోగించుకోవాలని అన్నారు. ఈ సందర్భంగా బుక్‌ రీడర్స్‌ క్లబ్‌ను గురు ప్రసాద్‌, కళాశాల డైరెక్టర్‌ డాక్టర్‌ మజ్జి శశిభూషణరావు, ప్రిన్సిపాల్‌ డాక్టర్‌ డి.వి.రామమూర్తి ప్రారంభించారు. జాతీయ గ్రంథాలయ వారోత్సవాల ప్రాముఖ్యతను కళాశాల లైబ్రేరియన్‌ ఎల్‌.సత్యవతి వివరించారు.
గాజులరేగలో: గాజులరేగ శాఖా గ్రంథాలయంలో కార్పొరేటర్‌ నడిపిల్లి ఆదినారాయణ వారోత్సవాలను ప్రారంభించారు. నెహ్రూ చిత్రపటానికి పూలమాలలు వేసి ఘనంగా నివాళులర్పించారు. శాఖ గ్రంథాలయ అధికారి ఎం.లక్ష్మణరావు, నారాయణ పబ్లిక్‌ స్కూల్‌ కరస్పాండెంట్‌ మొయిద నారాయణరావు, స్థానిక పాఠశాల ప్రధానోపాధ్యాయులు ఉమా పాల్గొన్నారు. నారాయణ పబ్లిక్‌ స్కూల్‌లో కరస్పాండెంట్‌ మొయిద నారాయణరావు ఆధ్వర్యాన బాలల దినోత్సవాన్ని ఘనంగా నిర్వహించారు.
