శివ నిర్మాణ దర్శకత్వంలో విజయ్ దేవరకొండ, సమంత నటించిన చిత్రం 'ఖుషి' సెప్టెంబర్‌ 1న విడుదల కానుంది. ఈ సందర్భంగా రోజుకో అప్‌డేట్‌లతో నెట్టింట ట్రెండింగ్‌లో ఉంటోంది చిత్రబృందం. ఇక సినిమా ప్రమోషన్‌లో భాగంగా విజయ్ దేవరకొండ తాజాగా ఓ వీడియో పోస్ట్‌ చేశారు. ప్రస్తుతం అది వైరలవుతుండగా నెటిజన్లు మాత్రం మిశ్రమంగా స్పందిస్తున్నారు. సమంతకు వీడియో కాల్‌ చేసిన విజయ్ దేవరకొండ 'నీకు జోక్‌ చెబుదామని వీడియో కాల్‌ చేశాను' అని అనగా.. టైమ్‌ అర్థరాత్రి 1.30 అయింది.. ఇప్పుడు జోక్‌ ఏంటని సమంత ప్రశ్నించారు. ఈ వీడియోలో సమంత కోసం విజయ్ 'నా రోజా నువ్వే..' పాట కూడా పాడారు. ఏదేమైనా విజయ్ ట్వీట్‌తో మరోసారి 'ఖుషి' ట్రెండింగ్‌లోకి వచ్చింది.
