పాచిపెంట: విద్యార్థులు గ్రంథాలయాలను సద్వినియోగం చేసుకొని అన్ని రంగాల్లో మంచి ప్రతి చూపాలని జిల్లా గ్రంథాలయ సంస్థ చైర్మన్‌ రెడ్డి పద్మావతి కోరారు. 56వ జాతీయ గ్రంథాలయ వారోత్సవాల్లో భాగంగా స్థానిక శాఖా గ్రంథాలయంలో ఆదివారం జాతీయ మహిళా దినోత్సవం, దిశ చట్టం, మహిళా సాధికారికతపై జరిగిన చర్చావేదికలో ఆమె ముఖ్యఅతిథిగా పాల్గొన్నారు. ఈ సందర్భంగా పద్మావతి దిశా చట్టం వల్ల మహిళలకు జరుగుతున్న ప్రయోజనాలను వివరించారు. అలాగే దేశంలో మహిళలు సాధించిన విజయాలు, ఎవరెవరు ఉన్నత శిఖరాలను ఎలా అధిరోహించారో వివరించారు. అలాగే స్థానిక గ్రంథాయాలనికి ప్రహరీగోడ నిర్మాణానికి, పాఠకులు, విద్యార్థులకు అవసరమైన పుస్తకాల మంజూరుకు కృషి చేస్తానని హామీ ఇచ్చారు. కార్యక్రమంలో స్థానిక శాఖాగ్రంథాలయాధికారి ఉదయభాస్కర్‌తో పాటు విద్యార్థులు, పాఠకులు పాల్గొన్నారు.
గుమ్మలక్ష్మీపురం : 56వ గ్రంథాలయాలు వారోత్సవాలు సందర్భంగా స్థానిక గ్రంథాలయంలో ప్రాథమిక పాఠశాల విద్యార్థులకు క్విజ్‌, చిత్రలేఖనం పోటీలను ఆదివారం నిర్వహించారు. ఈ సందర్భంగా గ్రంథాలయ నిర్వహకులు డి. సుకన్య మాట్లాడుతూ విద్యార్థుల్లో పోటీతత్వం పెంచేందుకు క్విజ్‌ పోటీలు ఎంతగానో దోహదపడతాయని తెలిపారు. ప్రతి విద్యార్థి ప్రతిరోజు ఒక గంట పాటు పుస్తక పఠనం చేయాలని కోరారు. చివర రోజున విద్యార్థులకు బహుమతి ప్రధానం చేయబడుతుందని తెలిపారు.
వీరఘట్టం : స్థానిక శాఖా గ్రంథాలయంలో 56వ జాతీయ గ్రంథాలయ వారోత్సవాల్లో భాగంగా ఆదివారం చిత్రలేఖ నపోటీలు నిర్వహించినట్లు గ్రంథాలయాధికారి ఎం.వెంకటేశ్వరరావు తెలిపారు. భారత తొలి ప్రధాని కీర్తిశేషులు ఇందిరాగాంధీ జయంతి సందర్భంగా మహిళా దినాన్ని పురస్కరించుకొని మహిళలకు ముగ్గుల పోటీలు కూడా నిర్వహించినట్లు తెలిపారు. కార్యక్రమంలో మహిళలు, విద్యార్థులు తదితరులు పాల్గొన్నారు.
భామిని : 56వ జాతీయ గ్రంథాలయ వారోత్సవాలను పురస్కరించుకొని స్థానిక గ్రంథాలయంలో లైబ్రేరిన్‌ కె.సునీత ఆధ్వర్యంలో ముగ్గుల పోటీలు నిర్వహించారు. ఈ పోటీలకు కెజిబివి, బాలయోగి, ఆదర్శ పాఠశాల విద్యార్థులు ముగ్గులు వేసి, విభిన్న రంగులు వేశారు. కార్యక్రమం లో ఉపాధ్యాయులు ఇ.సుజాత,రవణమ్మ పాల్గొన్నారు.
పాలకొండ్ణ జాతీయ గ్రంథాలయ వారోత్సవాల్లో భాగంగా ఆదివారం స్థానిక శాఖా గ్రంథాలయం ఆధ్వర్యంలో పెద్దకాపు వీధి హైస్కూల్‌ ఆవరణలో ముగ్గుల పోటీలు నిర్వహించారు. ఈ పోటీల్లో వెంకమ్మపేట హైస్కూల్‌, రోమన్‌ కాథలిక్‌ స్కూల్‌, పెదకాపు వీధి హైస్కూల్‌, జిల్లా పరిషత్‌ బాలికోన్నత పాఠశాల విద్యార్థులు పాల్గొన్నారు. కార్యక్రమంలో ప్రధానోపాధ్యాయులు జి.పరాంకుశం నాయుడు, ఉపాధ్యాయులు జామి రవి, ఎ.సూర్యప్రభ, కె.నారాయణ రావు, కె.గడ్డియ్య, పి.ధర్మారావు పర్యవేక్షణలో నిర్వహించారు. ఇన్‌ఛార్జి గ్రంథాలయ అధికారి బబ్బురు గణేష్‌ బాబు, సహాయకుడు ఈశ్వర్‌ ఈ కార్యక్రమంలో పాల్గొన్నారు.
