ప్రజాశక్తి - తణుకు రూరల్‌
సిపిఎం సీనియర్‌ నాయకులు, కేంద్ర కమిటీ సభ్యులు వాసుదేవ్‌ ఆచార్యకు ఎల్‌ఐసి ఏజెంట్స్‌ ఆర్గనైజేషన్‌ ఆఫ్‌ ఇండియా సభ్యులు నివాళులర్పించారు. స్థానిక ఎల్‌ఐసి కార్యాలయం వద్ద బుధవారం నిర్వహించిన సభలో జోనల్‌ జనరల్‌ సెక్రటరీ పిఎల్‌.నరసింహరావు మాట్లాడుతూ ఎల్‌ఐసి ఏజెంట్స్‌ ఆర్గనైజేషన్‌ ఆఫ్‌ ఇండియాకు అఖిలభారత వ్యవస్థాపక అధ్యక్షులుగా ఉన్న వాసుదేవ్‌ ఆచార్య మృతి తీరని లోటన్నారు. ఈ కార్యక్రమంలో ఎల్‌ఐసి ఏజెంట్స్‌ యూనియన్‌ అధ్యక్షులు సలాది ఉదయభాస్కరరావు, కార్యదర్శి మడిచర్ల రవి రామకృష్ణ, ట్రెజరర్‌ ప్రసాద్‌, సీనియర్‌ ఏజెంట్లు సత్యనారాయణ, గిరి, సత్తిరాజు, సుందరం, జానకిరామ్‌ పాల్గొన్నారు.
