వలస వెళ్తున్న కూలీలు
ప్రజాశక్తి -పెద్దకడబూరు
మండలంలోని చిన్నకడబూరుకు చెందిన వ్యవసాయ కూలీలు తెలంగాణలోని జహీరాబాద్‌కు టెంపో వాహనంలో బుధవారం పిల్లాపాపలతో వలస వెళ్లారు. జిల్లాలో వర్షాభావ పరిస్థితుల వల్ల పంటలు పూర్తిగా దెబ్బతినడంతో గ్రామంలో పనులు కరువయ్యాయి. ఉపాధి లేక తెలంగాణలోని జహీరాబాద్‌లో పత్తి పంట తీయడానికి వలస బాట పడుతున్నారు. ఇంటి వద్ద పిల్లలను చూసుకునే వారు లేకపోవడంతో బడికెళ్లే పిల్లలను సైతం తమ వెంట తీసుకెళ్తున్నారు.
