సోమన్నను సన్మానిస్తున్న అతిథులు
ప్రజాశక్తి - ఎమ్మిగనూరు రూరల్‌
పెద్దకడబూరు మండలం కంబదహాళ్‌ ప్రాథమికోన్నత పాఠశాలలో గణితోపాధ్యాయులుగా పని చేస్తున్న ప్రముఖ బాలసాహిత్యవేత్త, బాలబంధు గద్వాల సోమన్నను 'బాలసాహిత్య రత్న' బిరుదు వరించింది. మహర్షి వాల్మీకి సాంస్కృతిక సాహితీ సంస్థ అధ్యక్షులు, భూగర్భ గనుల శాఖ విశ్రాంత అధికారి డాక్టర్‌ విడి.రాజగోపాల్‌ ఈ బిరుదు ప్రదానం చేశారు. సోమన్న రచించిన కొత్త పుస్తకం 'ప్రతిబింబాలు' బాలగేయాల సంపుటిని పద్మశ్రీ డాక్టర్‌ కొలకలూరి ఇనాక్‌, విశ్రాంత ఫారెస్ట్‌ ఆఫీసర్‌ ఎఎల్‌.కృష్ణారెడ్డి, డాక్టర్‌ విడి.రాజగోపాల్‌, బిక్కి కృష్ణ, నాళేశ్వరం శంకరం, రాజా వాసిరెడ్డి మల్లీశ్వరి చేతుల మీదుగా హైదరాబాద్‌లోని చిక్కడపల్లి త్యాగరాయ గాన సభలో ఆవిష్కరించారు. సోమన్నను సన్మానించారు. సోమన్నను ఉపాధ్యాయులు, గ్రామస్తులు, శ్రేయోభిలాషులు మంగళవారం అభినందించారు.
