ప్రజాశక్తి-యంత్రాంగం రోడ్ల దుస్థితిపై టిడిపి, జనసేన పార్టీల ఆధ్వర్యాన ఆదివారం పలుచోట్ల నిరసన తెలిపారు. తాళ్లరేవు మండలం పటవల, శాంతమూల రహదారిలో రెండు పార్టీల నాయకులూ రోడ్లను పరిశీలించి నిరసన తెలిపారు. అత్తిలి బాబూరావు, కట్ట త్రిమూర్తులు మాట్లాడారు. ధూళిపూడి వెంకటరమణ, టేకుమూడి లక్ష్మణరావు, మోపూరి వెంకటేశ్వరరావు, పొన్నమండ రామలక్ష్మి, జనసేన నాయకులు అత్తిలి బాబూరావు, కొమ్మోజు సుబ్రహ్మణ్యం, చిక్కం రామచంద్రుడు, పూసంశెట్టి సూర్యప్రకాష్‌, కాశి, జిత్తుగ శ్రీనివాస్‌, మల్లాడి సీతారామరాజు, అప్పన్న, చంటి పాల్గొన్నారు. ఏలేశ్వరం మండలంలోని రమణయ్యపేట-జె.అన్నవరం రోడ్డు దుస్థితి నిరసిస్తూ టిడిపి, జనసేన కార్యకర్తలు రాస్తారోకో చేపట్టారు. వరుపుల సత్యప్రభ, వరుపుల తమ్మయ్య బాబు మాట్లాడారు. జగ్గంపేట రూరల్‌ మాజీ ఎంఎల్‌ఎ జ్యోతుల నెహ్రూ పార్టీ శ్రేణులతో రామవరం నుంచి మర్రిపాక వరకు పాదయాత్ర చేపట్టారు. ఆయన వెంట టిడిపి నాయకులు జీను మణిబాబు, అడబాల వెంకటేశ్వరరావు, మారిశెట్టి భద్రం, జనసేన నాయకులు నల్లల శివ, సూరంపాలెం బాలు, తదితరులు పాల్గొన్నారు.
