పార్వతీపురం: జాతీయ పర్యాటక పోటీలకు దరఖాస్తులను ఆహ్వానిస్తున్నట్లు పర్యాటక అధికారి ఎన్‌ నారాయణరావు తెలిపారు. ఈ మేరకు ఆదివారం ఒక ప్రకటన విడుదల చేశారు. భారత పర్యాటక మంత్రిత్వ శాఖ గ్రామీణ పర్యాటకం, గ్రామీణ ప్రాంతాల్లో బస విభాగం నోడల్‌ ఏజెన్సీగా వ్యవహరిస్తుందని చెప్పారు. సంబంధిత రంగాల్లో అనుభవం, ఆసక్తి గల సంస్థలు షషష. తీబతీaశ్రీ.్‌శీబతీఱరఎ. స్త్రశీఙ.ఱఅ వెబ్‌ సైట్‌లో వివరాలకు సంప్రదించవచ్చని ఆయన తెలిపారు. ఉత్తమ గ్రామీణ హౌమ్‌స్టే పోటీ 2024గా పోటీలను నిర్వహిస్తుందని పేర్కొన్నారు. సామాజిక, మౌలిక సదుపాయాల అభివృద్ధిని పెంపొందించడానికి, పర్యాటక లక్ష్యాలను ముందుకు తీసుకువెళ్లేందుకు దృష్టి పెట్టిందని అన్నారు. ఈ పోటీలు గ్రామాల మధ్య పోటీతత్వం, గర్వాన్ని మరింతగా పెంచడానికి ప్రయత్నిస్తుందని ఆయన పేర్కొన్నారు. గ్రామీణ ఆర్థిక వ్యవస్థను పెంపొందించడానికి, పర్యాటకం ద్వారా సాంస్కృతిక, సహజ వారసత్వాన్ని కాపాడ్డానికి నిబద్ధతతో గ్రామాలను గుర్తించడం లక్ష్యంగా పెట్టుకుందని వివరించారు. గ్రామాల గుర్తింపు ఇతర గ్రామాల మధ్య ఉత్తమ పద్ధతులను పంచుకోవడానికి ఒక ఆదర్శప్రాయమైన నమూనాగా ఉపయోగపడుతుందని ఆయన పేర్కొన్నారు.
ఉత్తమ గ్రామీణ హౌమ్‌స్టే క్లస్టర్‌ విభాగం ఒక నిర్దిష్ట గ్రామంలో ఉమ్మడి థీమ్‌ను తెలియజేయాలని, క్లస్టర్‌లో కనీసం 3 హౌమ్‌స్టేలు ఉండాలని అన్నారు. పర్యాటక మంత్రిత్వ శాఖ ప్రతి విభాగంలో అత్యుత్తమ ఐదు హౌమ్‌స్టేలను గుర్తిస్తుందని చెప్పారు. పర్యాటక మంత్రిత్వ శాఖ గుర్తింపు పొందిన హౌమ్‌స్టేలకు మార్గదర్శకత్వం, మద్దతు, మరింత అభివృద్ధిలో సహకారం అందిస్తుందని చెప్పారు. గ్రామీణ హౌమ్‌స్టేల అభివృద్ధికి ప్రభుత్వ-ప్రైవేట్‌ సహకారాన్ని కూడా మంత్రిత్వ శాఖ ప్రోత్సహిస్తుందన్నారు. ఉత్తమ గ్రామీణ హౌమ్‌స్టే పోటీ మూడు దశల్లో - జిల్లా, రాష్ట్ర, జాతీయ స్థాయిలో ఉంటుందని అన్నారు. ప్రతి విభాగంలో గరిష్టంగా 3 కేటగిరీల్లో మాత్రమే నామినేట్‌ చేయాలని స్పష్టం చేశారు. అర్హత ఆసక్తి గల సంస్థలు ఈ అవకాశాన్ని సద్వినియోగం చేసుకుని పర్యాటకాన్ని మరింత బలోపేతం చేయాలని, జాతీయ స్థాయిలో జిల్లా కీర్తి ప్రతిష్టలు పెంచాలని ఆయన కోరారు.
పోటీ ప్రధాన లక్ష్యాలు
గ్రామీణ పర్యాటక ప్రాంతాల అభివృద్ధి, గ్రామీణ జనాభా సాధికారతలో పురోగతి, ఆకర్షణ సామర్థ్యాన్ని పెంపొందించడం. గ్రామీణ మార్పును ప్రోత్సహించడం, బహుళ-స్థాయి పాలన, సహకారాలు, కమ్యూనిటీ భాగస్వామ్యం బలోపేతం చేయడం, అనుసంధానం, మౌలిక సదుపాయాలు, ఆర్థిక వనరులు అందుబాటు, పెట్టుబడిని పెంచడం, అభివృద్ధి, డిజిటలైజేషన్‌, కొత్త ఉత్పత్తులను అభివృద్ధి చేయడం, విలువ ఆధారిత పెంపు, స్థిరమైన ఆహార వ్యవస్థలు పర్యాటకం మధ్య సంబంధాన్ని ప్రోత్సహించడం, సహజ, సాంస్కృతిక వనరుల పరిరక్షణను పెంచడం, వనరులను బాగా ఉపయోగించుకోవడానికి, ఉద్గారాలను, వ్యర్థాలను తగ్గించడానికి స్థిరమైన పద్ధతులను ప్రోత్సహించడం, జ్ఞానం, సామర్థ్యాలను మెరుగుపరచడమే ప్రధాన లక్ష్యాలు.
అర్హతా ప్రమాణాలు
తక్కువ జనాభా సాంద్రత 25వేలు నివాసులకు మించకూడదు. ప్రసిద్ధ ప్రదేశాలు, పర్యాటక ప్రదేశాలు లేదా ప్రకృతి దృశ్యాలకు నిలయంగా ఉండాలి. వ్యవసాయం, క్రాఫ్ట్‌, వంటకాలు మొదలైన వాటితో సహా సాంప్రదాయ కార్యకలాపాలను కలిగి ఉండాలి. ఆన్‌లైన్‌లో పూరించి సమర్పించిన దరఖాస్తులు మాత్రమే మూల్యాంకనం కోసం పరిగణించబడతాయనిస్పష్టం చేశారు. దరఖాస్తులు ఆంగ్ల భాషలో మాత్రమే ఆమోదించడం జరుగుతుందని అన్నారు.
మూల్యాంకన అంశాలు
ఈ పోటీల్లో మూల్యాంకనం ప్రధానంగా సుస్థిర అభివద్ధి లక్ష్యాలు ఆధారంగా సాంస్కృతిక, సహజ వనరులు, ఆర్థిక స్థిరత్వం, పర్యావరణ సుస్థిరత, పర్యాటకం ప్రాధాన్యత, ఆరోగ్యం, భద్రత, సాంస్కతిక వనరుల ప్రచారం - పరిరక్షణ, సామాజిక స్థిరత్వం, టూరిజం అభివృద్ధి ఆధారంగా ఇతర రంగాల అనుసంధానం, మౌలిక సదుపాయాలు - అనుసంధానం తదితర అంశాలు ఉంటాయి.
