ప్రజాశక్తి - తణుకు
తణుకు ఆర్‌టిసి బస్సు డిపో నుంచి పంచారామాలకు స్పెషల్‌ బస్సులు నడుపనున్నట్లు డిపో మేనేజర్‌ ఎస్‌.గిరిధర్‌ కుమార్‌ తెలిపారు. ఈ నెల 19, 26, డిసెంబర్‌ 3, 10 తేదీల్లో బస్సులు ఏర్పాటు చేసినట్లు తెలిపారు. పల్లె వెలుగు టికెట్‌ ధర రూ.700, అల్ట్రా పల్లె వెలుగు రూ.800, ఎక్స్‌ప్రెస్‌ రూ.900, అల్ట్రా డీలక్స్‌ రూ.వెయ్యి, సూపర్‌ లగ్జరీ రూ.1,100 అని తెలిపారు. ప్రతి పౌర్ణమికీ గిరి ప్రదక్షిణ చేసుకునే విధంగా ఏర్పాటు చేశామన్నారు. అరుణాచలం అయ్యప్ప మాలదారుల సౌకర్యార్థం శబరిమలకు స్పెషల్‌ బస్సులు కూడా ఏర్పాటు చేశామన్నారు. ఈ అవకాశాన్ని మాలదారులు, ప్రయాణికులు ఉపయో గించుకోవాలని కోరారు. అనంతరం పంచారామాల స్పెషల్‌ పోస్టులను ఆవిష్కరించారు. కార్యక్రమంలో ఆఫీస్‌ సూపరిం టెండెంట్‌ రమణమూర్తి, సీనియర్‌ అసిస్టెంట్‌ శేఖర్‌, సీనియర్‌ ట్రాఫిక్‌ ఇన్‌స్పెక్టర్‌ పున్నయ్య, బివికె.రావు, గ్యారేజ్‌ ఇన్‌ఛార్జి శ్రీనివాసరావు పాల్గొన్నారు.
