పేరు : రష్మిక మందన
పుట్టిన తేదీ : 5 ఏప్రిల్‌, 1996
పుట్టిన ప్రాంతం : విరాజ్‌పేట, కర్ణాటక
చదువు : ఇంగ్లీష్‌ లిటరేచర్‌, జర్నలిజం, సైకాలజీలో గ్రాడ్యుయేషన్‌
హాబీస్‌ : ట్రావెలింగ్‌, జిమ్‌
తల్లిదండ్రులు : మదన్‌ మందన, సుమన్‌ మందన
సోదరులు : సిహ్మాన్‌ మందన
ఇష్టమైన నటులు : షారూక్‌ ఖాన్‌, రణ్‌వీర్‌ సింగ్‌, శ్రీదేవి
రష్మిక మందన.. ఈ అగ్ర తారకి టాలీవుడ్‌లో మంచి క్రేజ్‌ ఉంది. టాలీవుడ్‌లో ఎంట్రీ ఇచ్చిన తక్కువ సమయంలోనే మంచి గుర్తింపు తెచ్చుకుంది. ఇండిస్టీకి వచ్చిన అతి కొద్ది రోజుల్లోనే దూసుకెళ్తున్న ఈ ముద్దుగుమ్మ ఇప్పటికే మహేష్‌ సరసన నటించి, ప్రస్తుతం అల్లు అర్జున్‌తోనూ నటిస్తోంది. అందం, అభినయంతో పాటు సక్సెస్‌ శాతం కూడా ఎక్కువే ఉండటంతో రష్మిక డేట్స్‌ కోసం ప్రొడ్యూసర్లు క్యూ కడుతున్నారు.
ప్రస్తుతం కరోనా మహమ్మారి దెబ్బకు దేశమంతా అల్లాడిపోతోంది. ఫస్ట్‌, సెకండ్‌ వేవ్‌ ప్రభావంతో ఇప్పటికే వందలాది మంది ఈ వైరస్‌ వల్ల ప్రాణాలు పోగొట్టుకున్నారు. వేల మంది ఆస్పత్రుల పాలయ్యారు. కరోనా కట్టడికి ప్రభుత్వాలు చర్యలు తీసుకుంటున్న నేపథ్యంలో అధికారులు, వైద్యులు, సినిమా తారలు ప్రజలను అప్రమత్తం చేస్తున్నారు. ఇప్పటికే చాలామంది సెలబ్రిటీలు ఎవరికి వారు తమకు తోచిన సాయం చేస్తూ మానవతను చాటుకుంటున్నారు. ఇంకా చాలామంది ముందుకు వస్తున్నారు. అయితే సినిమాలతో నిత్యం బిజీగా ఉండే రష్మిక మందన సోషల్‌ మీడియాలోనూ యాక్టివ్‌గా ఉంటుంది. ఎప్పటికప్పుడు తన సినిమా విశేషాలతో పాటు వ్యక్తిగత విషయాలనూ అభిమానులతో పంచుకోవడం ఈ కన్నడ బ్యూటీకి అలవాటు. ఈ క్రమంలోనే ట్విట్టర్‌ వేదికగా అభిమానులతో ముచ్చటించింది. ఈ క్రమంలో రష్మిక మందన కూడా ప్రచార సాయానికి ముందుకొచ్చింది. ఈ మేరకు ఇన్‌ స్టాగ్రామ్‌లో ఇటీవల ఓ వీడియోను పోస్ట్‌ చేసింది రష్మిక.
'అందరూ సురక్షితంగా ఆరోగ్యంగా ఉన్నారని ఆశిస్తున్నా.. ప్రస్తుతం మనం అత్యంత క్లిష్ట సమయాన్ని ఎదుర్కొంటున్నాం. ఇది మనకు ఓ సవాల్‌గా మారింది. దీని నుంచి బయటపడడానికి ఒకరికొకరు సహాయం చేసుకోవాలి. అందులో భాగంగా 25 లక్షల కోవిడ్‌ కేర్‌ హెల్త్‌ కిట్లను ఉచితంగా పంపిణీ చేసే ఒక పనిలో భాగస్వాములుకండి. దీనిని అందరూ ప్రచారం చేయండి. ఇది ఏకం కావడానికి.. కలిసి పనిచేయడానికి.. ఇతరులను ప్రేరేపించడానికి సరైన సమయం. కాబట్టి మీరు ఈ ముఖ్యమైన సందేశాన్ని అందరికీ పంచుతారనే అనుకుంటున్నా. అవసరమైన వారికి సహాయపడండి' అని ట్విట్టర్‌ వేదికగా తన అభిప్రాయంతో పాటు, ప్రచారానికి సంబంధించిన వీడియోని పంచుకుంది.
భారతీయ చలనచిత్ర నటి, మోడల్‌ అయిన రష్మిక మందన కర్ణాటకలో కొడగు జిల్లాలోని విరజ్‌పేట్‌లో 5 ఏప్రిల్‌, 1996లో జన్మించారు. కాగా 2008లో నాగ శౌర్యతో కలసి నటించిన 'ఛలో' సినిమాతో టాలీవుడ్‌ ఎంట్రీ ఇచ్చిన రష్మిక ఆ తరువాత వరుస విజయాలను అందుకుంది. తెలుగు, కన్నడ భాషల్లో ఎక్కువ చిత్రాల్లో నటించింది. గీత గోవిందం, సరిలేరు నీకెవ్వరు, భీష్మ వంటి బ్లాక్‌ బస్టర్స్‌ అందుకుంది. 'గీత గోవిందం' (2018) సూపర్‌ హిట్‌ చిత్రంగా చెప్పవచ్చు. 2019లో విజరు దేవరకొండ సరసన 'డియర్‌ కామ్రేడ్‌' చిత్రంలోనూ నటించింది. ప్రస్తుతం సుకుమార్‌-బన్నీ కాంబినేషన్‌లో తెరకెక్కతున్న పాన్‌ ఇండియా మూవీ 'పుష్ప'లో కూడా రష్మిక హీరోయిన్‌గా నటిస్తోంది. ఈ సినిమా హిందీలోనూ విడుదల అవుతుండటంతో రష్మిక బాలీవుడ్‌లోనూ నటించేందుకు సిద్ధమవుతోంది.
అయితే ప్రస్తుతం ఈ ముద్దుగుమ్మ తెలుగు, తమిళ్‌, హిందీ భాషల్లో వరుస సినిమాలతో బిజీగా ఉంది. తెలుగులో ఐకాన్‌ స్టార్‌ అల్లుఅర్జున్‌ నటిస్తున్న 'పుష్ప' సినిమా చేస్తుంది. ఈ సినిమాలో గిరిజన యువతిగా రష్మిక కనిపించనుంది. 'ఆడాళ్లు మీకు జోహార్లు' అనే చిత్రంలోనూ నటిస్తోంది. బాలీవుడ్‌లో అమితాబ్‌తో కలిసి 'గుడ్‌ బారు' అనే చిత్రంతో పాటు మల్హోత్రతో కలిసి మిషన్‌ మజ్నులో నటిస్తోంది.
