పూజలు నిర్వహిస్తున్న పీఠాధిపతులు
ప్రజాశక్తి - మంత్రాలయం
ప్రముఖ ఆధ్యాత్మిక పుణ్యక్షేత్రమైన శ్రీరాఘవేంద్ర స్వామి మఠంలో పీఠాధిపతులు శ్రీసుభుదేంధ్రతీర్థులు రాఘవేంద్రుని ఆరాధ్య దైవమైన మూల రాములకు విశిష్ట పూజలు నిర్వహించారు. బుధవారం స్థానిక శ్రీమఠంలోని పూజా మందిరంలో మూల రాములు, జయరాములు, దిగ్విజయరాముల మూర్తులను స్వర్ణ పీఠంపై ఉంచి క్షీరాభిషేకంతో పాటు ప్రత్యేకంగా పెరుగుతో అభిషేకం నిర్వహించారు. మూల రాములు, జయరాములు, దిగ్విజయరాముల మూర్తులను భక్తులకు చూపిస్తూ ప్రత్యేకతను వివరించారు. అనంతరం పీఠాధిపతులు రాఘవేంద్రుని మూల బృందావనాన్ని దర్శించుకున్నారు.
