కలెక్టర్కు వినతిపత్రం అందజేస్తున్న నాయకులు
కోవూరు చెరువు కలుజుపై బ్రిడ్జి నిర్మించాలి
నెల్లూరు:కోవూరు నియోజకవర్గానికి కూత వేటు దూరంలోని కోవూరు చెరువు కలుజుపై బ్రిడ్జి నిర్మించాలని ఆ ప్రాంత ప్రజలు కోరుతు స్పందన కార్యక్రమంలో కలెక్టర్ కె.వి.ఎన్ చక్రధర్బాబుకు వినతిపత్రం అందజేశారు. ఈ సందర్భంగా నాయకులు మాట్లాడుతూ ఈ కలుజుపై బ్రిడ్జి నిర్మించాలని మూడు గ్రామాలకు చెందిన ప్రజలు రాజకీయ పార్టీలకు అతీతంగా రిలే దీక్షలు చేపట్టినప్పకీ అధికార యంత్రాంగం స్పందించలేదన్నారు. ఇటీవల జిల్లాలో కురిసిన వర్షాల వల్ల చెరువు కలుజుపై నీరు ఉదృతంగా పారడంతో ఈ మూడు గ్రామాలకు రాకపోకలు స్తంభించిపోయాయన్నారు. ఈ కలుజు నీటి ఉదృతికి సచివాలయ ఉద్యోగి ఒకరు వరదనీటిలో కొట్టుకుపోయి ప్రాణాలను కోల్పోయారన్నారు. ఇప్పటికైనా ప్రజల ఇబ్బందిని జిల్లా అధికార యంత్రాంగం గుర్తించి కోవూరు చెరువు కలుజుపై బ్రిడ్జి నిర్మించి ప్రజల ప్రాణాలకు రక్షణ కల్పించాలని కోరారు. కార్యక్రమంలో గండవరపు శేషయ్య, ఎన్. దినేష్యాదవ్, బట్టా పెద్దబ్బయ్య, జి.విజయకుమార్, జి.సురేష్, పలువురు గ్రామ ప్రజలు పాల్గొన్నారు.
