రాయ్ పూర్‌ : ఛత్తీస్‌గఢ్‌లోని సుక్మా జిల్లాలో ఎన్నికల విధుల్లో ఉన్న పారామిలటరీకి, మావోయిస్టులకు మధ్య కాల్పులు జరిగాయి. ఈ ఘటనలో పలువురు సైనికులకు గాయాలైనట్లు అధికారులు తెలిపారు. మంగళవారం ఉదయం ఛత్తీస్‌గఢ్‌లో మొదటి దశ పోలింగ్‌ ప్రారంభమైన సంగతి తెలిసిందే. మొత్తం 90 అసెంబ్లీ స్థానాలకు గాను నేడు 20 స్థానాల్లో పోలింగ్‌ ప్రారంభమైంది. అయితే ఈ ప్రాంతాలన్నీ మావోయిస్టుల ప్రభావం అధికంగా ఉన్న బస్తర్‌ జిల్లాలోనే ఉన్నాయి. దీంతో ఎన్నికల కోసం భారీ మొత్తంలో సిఆర్‌పిఎఫ్‌ బలగాలను మోహరించింది.
