ప్రజాశక్తి - యంత్రాంగం జిల్లాలోని పలుచోట్ల గ్రంథాలయ వారోత్సవాలు గురువారం ఘనంగా నిర్వహించారు. కాకినాడ జిల్లా గ్రంథాలయ సంస్థ ఆధ్వర్యంలో రామకృష్ణారావుపేట గ్రంథాలయంలో విద్యార్థులకు వ్యాసరచన పోటీలు నిర్వహించారు. గ్రంథాలయ ఉద్యమకారులు అయ్యంకి వెంకటరమణయ్య, పాతూరి నాగభూషణం చిత్రపటాలకు జి.లక్ష్మీ కుమారి పూలమాలలు వేసి నివాళి అర్పించారు. రిటైర్డ్‌ డిప్యూటీ లైబ్రేరియన్‌ సలాది సాయి సత్యనారాయణను సత్కరించారు. ఈ కార్యక్రమంలో రత్నకుమారి, గ్రంథాలయాధికారి కె.రమేష్‌ బాబు, ఎస్‌.ప్రసాద్‌, జి.సుబ్బారావు పాల్గొన్నారు. పెద్దాపురం తహశీల్దారు వజ్రపు జితేంద్ర, సాహితీ స్రవంతి కార్యదర్శి కొత్త శివ అధ్యక్షతన నిర్వహించిన సభలో మాట్లాడారు. గ్రంథాలయాధికారి పాలంకి నాగరాజు పాల్గొన్నారు. సామర్లకోట రూరల్‌ ఎంఇఒ వై.శివరామకృష్ణయ్య, గ్రంథాలయాధికారి బందిల రత్నమణి అధ్యక్షతన వ్యాసరచన పోటీలు నిర్వహించారు. ఉపాధ్యాయులు టివి.సత్యనారాయణ, హెచ్‌ఎం సిహెచ్‌వివి.ప్రసాద్‌ పాల్గొన్నారు. పిఠాపురం బిఎంఆర్‌ జూనియర్‌ కళాశాల జువాలజీ అధ్యాపకురాలు ఎ.సునీతాదేవి, మున్సిపల్‌ పాఠశాల హెచ్‌ఎం లావణ్య రేఖ, రాజీవ్‌ గాంధీ మున్సిపల్‌ ఉన్నత పాఠశాల ఉపాధ్యాయురాలు ఎన్‌.దేవి పాల్గొన్నారు. కరప శాఖా గ్రంథాలయంలో అధికారి పివి.రంగయ్య మాట్లాడారు. హైస్కూల్‌ హెచ్‌ఎం లీలా మనోహర్‌, కొండేపూడి రాంబాబు, భాను ప్రకాష్‌ పాల్గొన్నారు.
