రెయిన్‌లో స్కూల్‌లో బాలల దినోత్సవం నిర్వహిస్తున్న ఉపాధ్యాయులు
ప్రజాశక్తి- దేవనకొండ
మండలంలోని అన్ని ప్రభుత్వ, ప్రయివేట్‌ పాఠశాలల్లో మంగళవారం బాలల దినోత్సవ వేడుకలు ఘనంగా నిర్వహించారు. స్థానిక ఎఫ్‌ఆర్‌, రెయిన్‌లో హైస్కూల్‌, జ్ఞాన సుధా, సరస్వతి, భారతి, విబిఆర్‌ పాఠశాలల్లో మాజీ ప్రధాని జవహర్‌ లాల్‌ నెహ్రూ చిత్రపటానికి పూలమాలలు వేసి నివాళులర్పించారు. బాలల దినోత్సవం సందర్భంగా నిర్వహించిన ఆటల పోటీల్లో ప్రతిభ చూపిన విద్యార్థులకు బహుమతులు ప్రదానం చేశారు. ఆయా పాఠశాలల కరస్పాండెంట్లు, ప్రధానోపాధ్యాయులు రఘునాథ్‌, అల్లిపీర, ముజ్బుర్‌ రహ్మాన్‌, కృష్ణమూర్తి, జగదీష్‌, నజీర్‌, సుభాన్‌, జ్ఞానేశ్వర్‌, సుధాకర్‌ పాల్గొన్నారు.
