గండేపల్లి : ప్రజాశక్తి దినపత్రిక అనుబంధంతో విద్యార్థుల కోసం చిరుమువ్వల ప్రత్యేక సంచిక ఏర్పాటు చేయడం చాలా అభినందనీయమని శ్రీ గీతం విద్యాసంస్థల కరస్పాండెంట్‌ విఎస్‌పి చౌదరి అన్నారు. గండేపల్లిలో శ్రీ గీతం ఇంగ్లీష్‌ మీడియం స్కూల్లో చిరుమువ్వల పిల్లల ప్రత్యేక సంచికను బుధవారం విద్యార్థులకు అందజేశారు. ఈ సందర్భంగా ఆయన మాట్లాడుతూ నేటి తరంలో ఎలక్ట్రానిక్‌ మీడియా ప్రభావం ఎక్కువ అవడంతో పిల్లల్లోని సృజనాత్మకతను తెలియజేయడం కష్టమవుతుందని తెలిపారు. ఈ కార్యక్రమంలో ప్రజాశక్తి విలేకరి రామచంద్రరావు, శ్రీ గీతం ఉపాధ్యాయులు, విద్యార్థులు పాల్గొన్నారు.
