ప్రజాశక్తి - విజయవాడ : 'అడుదాం ఆంధ్రా' కార్యక్రమంలో పాల్గొని ఆటలు ఆడే వారందరూ నగరంలోని ఆయా సచివాలయాల్లో దరఖాస్తు చేసుకోవాలని విజయవాడ మున్సిపల్ కమిషనర్ స్వప్నిల్ దినకర్ పుండ్కర్ కోరారు. ఈ మేరకు ఆయన ఆదివారం ఒక ప్రకటన విడుదల చేస్తూ... రాష్ట్రంలోని ప్రజల్లో క్రీడా స్ఫూర్తిని పెంపొందించే ప్రయత్నంలో భాగంగా అక్టోబర్ 2 నుండి నవంబర్ 8 వరకు 'అడుదాం ఆంధ్ర' కార్యక్రమం జరుగుతుందన్నారు. ఈ కార్యక్రమంలో ఐదు రకాల క్రీడలను నిర్వహిస్తున్నట్లు తెలిపారు. క్రికెట్, బ్యాడ్మింటన్, వాలీబాల్, కబాడీ, కోకోలో పాల్గొనేందుకు సచివాలయాల్లో దరఖాస్తు చేసుకోవాలని కమిషనర్ చెప్పారు. 15 సంవత్సరాలు దాటిన ప్రతి యువత ఈ పోటీల్లో పాల్గొనేందుకు అర్హులన్నారు. దీనిలో వాలంటీర్లు, సచివాలయం సిబ్బంది, ప్రభుత్వ ఉద్యోగులు అనర్హులన్నారు. పాల్గొనే వారందరికీ శ్రేయస్సును నిర్ధారించడానికి, ఈవెంట్ వేదికల వద్ద వైద్య శిబిరాలు ఏర్పాట్లు జరుగుతున్నాయన్నారు. రాష్ట్రంలోని విజేతలకు సిఎం వైఎస్ జగన్మోహన్రెడ్డి స్వయంగా బహుమతులు అందజేస్తారన్నారు. మొదటి, రెండో, మూడో స్థానాలను కలిగి ఉన్న బహుమతులు అన్ని క్రీడలకు వరుసగా 50,000, 30,000, 20,000 నగదు అవార్డులను ఇవ్వనున్నట్లు తెలిపారు. మండల, నియోజకవర్గం, జిల్లా, రాష్ట్ర స్థాయిలకు క్రమంగా పురోగమించే ముందు ఈ కార్యకలాపాలు గ్రామ, వార్డు సచివాలయ స్థాయిల్లో ప్రారంభమవుతాయన్నారు. ఈ పోటీలో క్రికెట్, బ్యాడ్మింటన్, వాలీబాల్, ఖో-ఖో, కబడ్డీ లింగం ఆధారంగా ఆలోచనాత్మకంగా విభజించబడ్డాయన్నారు. ఔత్సాహికులైన క్రీడాకారులందరూ తమ క్రీడా ప్రతిభను ప్రదర్శించడానికి ఈ అవకాశాన్ని సద్వినియోగించుకోవడానికి అందుబాటులో ఉన్న స్థానిక సచివాలయంలో దరఖాస్తు చేసుకోవాలని నగర కమిషనర్ కోరారు.
